In Furlan!

La Bibie in lenghe. Un event di popul   

1127 furlans a proclamin la peraule di Diu, gnot e dì, dai 3 ai 9 di Avrîl

 

<>

Udin, Oratori de Puritât (3-9 Avrîl 2011) - La «Leture continue de Bibie par furlan» e je un event unic par vie che pe prime volte la Bibie e vignarà lete fûr par fûr, cence polse, intune lenghe minorizade. La leture e tacarà domenie ai 3 di Avrîl, e, dì e gnot, de prime pagjine de Gjenesi e rivarà fin ae ultime de Apocalìs la matine di sabide ai 9 di Avrîl, in gracie di 1127 letôrs volontaris che si sotentraran te proclamazion de peraule di Diu tal Oratori de Puritât a Udin. 134 oris in dut, comprendût cualchi moment musicâl.

La leture (viôt il calendari dai libris), che e à vût ancje la benedizion speciâl dal Pape e il patrocini dal Consei pontifici pe culture, e je inmaneade de Agjenzie regjonâl pe lenghe furlane, de Provincie di Udin, de Arcidiocesi di Udin e de Associazion culturâl Glesie Furlane, e e à vût ancje la adesion des Provinciis di Gurize e di Pordenon, de Arcidiocesi di Gurize e de Diocesi di Concuardie Pordenon.

 

Oltri ae direte web integrâl, Radio Spazio 103 e propon la direte audio e video ogni buinore des 11 a misdì e ogni sere a saran colegaments des 8 di sere aes 7 di buinore. Lis frecuencis par scoltâ Radio Spazio 103 a son: Udin e Basse furlane: 103.700 MHz; Friûl Culinâr: 103.900 MHz; Glemonàs: 100.500 MHz; Cjargne (Val Tiliment): 97.400 MHz; Cjargne (Val de Bût): 91.000 MHz; Cjargne (Val Dean): 103.600 MHz; Cjanâl dal Fier: 98.200 MHz; Val Cjanâl: 95.700 MHz; Tarvis: 99.500 MHz; Cuei e Gurize: 97.500 MHZ; Isontin: 91.900 MHz.

---

Per visualizzare il video è necessario Windows Media Player. Attivare il plug-in Active-X richiesto all'apertura della pagina

Trasmissione realizzata dal Servizio Informatico Diocesano

col contributo tecnico di